Pas humbjes ndaj Zvicrës me rezultat 4-0, Kosova ka arritur të shënoj fitore me rezultat 2-0 në ndeshjen ndaj Suedisë, në kuadër të kualifikimeve për Kampionat Botëror.

Golat i realizuan Elvis Rexhbeçaj dhe Vedat Muriqi, shkruan Arbresh.info.

Ditën e sotme, ka reaguar edhe futbollisti i Augsburgut, përmes një postimi në rrjetin social Instagram, ku edhe ka pasur një fjali për të gjithë ata që kritikuan pas ndeshjes me Zvicrën.

“Mbrëmë triumfuam! Fitoret si ajo e mbrëmshme janë më shumë se një rezultat – janë shpirt, zemër e gjak për këtë vend. Krenaria jonë është më e fortë se urrejtja e gojëligëve. Kosova gjithmonë ngrihet dhe lufton për fitore!”

“Fitojmë bashkë, humbim bashkë, gjithmonë një zemër, një ekip”, ka shkruar Elvis Rexhbeçaj.

Ndeshjen e ardhshme, Kosova e luan ndaj Sllovenisë me 10 tetor në “Fadil Vokrri”./Arbresh.info